KAHIT NAHIHIRAPAN ay pilit na hinihila ni Hunter ang katawan ni Ezekiel. Wala na itong malay at lupaypay na sa kanyang katawan. Wala pa rin tigil ang kanyang pagpapaputok. Nang mawalan siya ng bala ay kinuha niya ang baril ni Ezekiel. Pilit niyang ipinasok sa loob ng mansiyon ang kapatid at mabilis na kumatok sa silid kung saan nila pinatago ang kanilang pamilya. Nakahiga sa sahig si Ezekiel at marami na ang dugo na nawawala rito.
“Pa!” natataranta niyang sigaw. Ilang sandali pa ay bumukas ang pinto. “Si Ezekiel Pa!” wika niya.
Napansin niya ang takot sa mukha ni Alani.
“Anak ko!” sigaw ng ina ni Ezekiel.
Nag-unahan ang mga ito upang makita si Ezekiel. Si Alani ay walang patid ang pag-iyak. Gustuhin niya man itong alalayan ay hindi niya magawa dahil kailangan niyang maging alerto mula
