CHAPTER 84
“Pakiusap Rhon. Huwag na huwag mong babanggitin kay Althea tungkol dito. Hayaan mong ako ang magsasabi sa kanya tungkol sa kakambal niya. Siguradong magkagulo kung sa’yo pa niya malaman ang lahat. Gusto kong makita na muna si Rizza, madala rito at ipakilala sa kakambal niya para mas maintindihan nilang dalawa. Hindi madali sa kanila ang lahat ng ito lalo na kay Rizza na lumaking walang pamilya. Kung mahahanap ko siya, kung babalik siya sa akin, makukuha na niya ang lahat ng ipinamana sa kanya ng Daddy niya na ipinagkait ng mga kapatid at pamangkin ng kanilang ama. Nakapangalan kay Rizza ang halos lahat ng kayamanan ng kanyang ama at walang ipinangalan kay Althea. Hindi alam ng Daddy nila na kambal ang anak namin. Ang alam lang ni Rizalito noon, umalis akong mag-isa at iniwan sa
