CHAPTER 110
Alam kong kung lalabas si Paul sa kuwarto at makikita kami na patakas, siguradong hindi niya kami papayagang mag-iina. Natatakot akong makapagpang-abot pa kami kaya naging mabilis ang aming mga pagkilos ni Delia ngunit maingat para hindi makahalata si Paul. Sinenyasan ko si Delia na huwag masyadong malakas ang yabag at iwasang gumawa ng kahit anong ingay habang ginagawa namin ang pagtakas. Nang nasa hagdanan na kami ay naalala kong wala sa akin ang susi ng aking sasakyan. Nakalimutan kong kinuha ang bag ko kung nasa’n ang susi. Nandoon din ang lisensiya ko.
“Dito ka lang muna, Delia ha? Kukunin ko lang ang bag ko.” bulong ko.
“Dito ba ako maghihintay?”
“Bumaba ka na? Hintayin mo ako sa baba,” paanas kong sagot.
Dahan-dahan akong pumasok sa kuwarto. Ang lakas na ng kaba n
