Chapter 18
MEDYO KUMALMA na rin si Rector nang pumasok na silang dalawa ni Diserie sa loob ng isang silid na ibinigay sa kanila ni Lucbano. Hanggang ngayon ay hindi niya pa rin ma-absorb ang lahat ng mga nalaman niya. Ang totoong pagkatao at intensyon ng tito Moreno niya. Hindi niya inaasahan na ganoon ang gagawin nito. Tuluyan na ngang nabaliw ang tito Moreno niya. Hindi na niya talaga ito kilala.
Tinanggal niya ang kaniyang artificial arm at artificial leg. Noon sa tuwing nakikita niya ang putol na kamay at paa ay naawa siya sa kaniyang sarili. Sinisisi ang lahat ng nangyari dahil sa katangahan niya.
Ngunit ngayon ay iba na. Mapait siyang ngumiti tsaka ngumisi. Galit at hinagpis ang nararamdaman na niya ngayon para sa tito Moreno niya at sa sarili. Hindi niya aakalain na magagawa ng
