Chapter 40
LUMIKO Sa kabilang passage ang mag-asawa nang mga oras na iyon. Rinig na rinig ni Juson ang ingay ng mga nilalang na nakasunod sa kanilang likuran. Peo nasa malayo pa ang mga ito. Hindi inaasahan ni Juson na makasusunod sa kanila ang mga nilalang. Akala niya ay hindi ang mga ito makaakyat at makagapang sa kung saan man sila naroroon. Hindi pala, nagkamali siya. Hingal na hingal na silang mag-asawa. Kailangan nilang makaalis agad sa passage na iyon para hindi tuluyang mawalan ng hininga nag kanilang anak na si Marco. Kulob ang maliit na pasilyong iyon sa kisame, kaya mainit at walang pumapasok na hangin. Maging silang mag-asawa ay hindi rin kakayanin ang ganoon katagal sa loob ng pasilyo na iyon. Malapit na lang din sila, isang liko na lang at makakarating na sila sa likuran
