Chapter 9:
ISABELLA
Nakaupo lang ako sa kama habang nakapatong ang puting unan sa lap ko, tahimik na pinapanood si Adonis na nagbibihis. Katatapos niya lang maligo at naghahanda nanamang umalis para sa trabaho niya. Matapos ng usapan namin kanina nina Tita Alison ay naging tahimik siya. Tinanggap niya ang desisyon ko at hindi na ako pinilit pa. Hindi ko tuloy mapigilang isipin na baka masama ang loob niya sa akin dahil hindi ko kinampihan ang suhestyon niya. Pero ano bang magagawa ko? Ayokong magpatingin sa doctor. I'm sick but I wanna believe that I'm normal!
Umupo si Adonis sa dulo ng kama, kaya naman mula sa malalim na pag-iisip ay napabalik sa kaniya ang atensyon ko. Nakabihis na siya at mukhang handa nang umalis. Nakatalikod siya sa gawi ko pero bahagyang nakabaling ang ulo niya bi
