Chapter 59
Dahan-dahan ang lakad ko sa harap ng selda kung nasaan ngayon nakakulong ang mga bahagi ng eligal na organisasyon na na-raid ng QML at ng iba pang tao sa gobyerno. Isang eligal na gawaan ng gamot ang nasabing organisasyon, at ang mga sangkap inilalagay nila ay mga bawal na gamot, 'yong iba ay masasabing hindi puwede sa tao, pero ibebenta pa rin nila iyon. Hindi ako makapaniwala na iyon ang organisasyon na gusto nilang i-cover up ng aming kompaniya, at organisasyon na gusto sana nilang mapasama ang mga magulang ko.
"Sila na po ba ang lahat?" tanong ko sa isang sundalo na siyang sumama sa akin para makita ang mga ito. Alam nilang isa ako sa biktima nila, kaya naman pinagbigyan nila akong makita ang mga ito.
"Mga trabahador lang po sila, Ma'am. Ang mga namumuno ay kasalukuyan pa
