"Hmmm..."
"Hmmm..." gaya ni Mia sa akin nang hinilot ko ang sentido sa sobrang sakit ng aking ulo.
Para bang mabibiyak ito na hindi ko alam! Gusto kong ipukpok ang ulo sa pader dahil sa labis na pangingirot.
Asar kong inihagis sa kaibigan ang unan at inirapan siya. Ang sama na nga ng pakiramdam ko ay nang-aasar pa siya.
"Titigil ka o titigil ang takbo ng edad mo!"
Malakas siyang tumawa at muling inihagis sa akin ang unan ngunit agad ko ring nasalo ito.
"Baka ikaw ang titigil sa pagtakbo ng edad mo kung gugustuhin mo pang maging matanda kung ano ang ginawa ninyo ng guwapong VIP kagabi."
Labis ang pagkalukot ng aking noo sa sinagot niya.
Ano ang ginawa namin ni Sir? Sa naalala ko ay nag-inuman lang naman kami. Tapos, nagkuwentuhan, tapos....
Ano nga ba ang nangayari pagkatapos
