KABANATA 39
Bukas na ang graduation namin. Gusto ko man ipaabot kay tatay na sa wakas, graduate na ang anak niya, hindi ko magawa. May pakialam ba siya? O baka nga mas masaya pa siya na hindi na niya ako nakikita. Sa huli, pinaabot ko na lamang sa presinto ang liham ko para sa kaniya.
“Congratulations, ija. Bukas na ang graduation ninyo,” ani Mrs. Ismael pagkapasok sa silid ni Raine.
Mahimbing na natutulog si Raine noon at hindi ko maalis ang aking paningin sa bawat taas at baba ng kaniyang dibdib. I am afraid na kapag malingat ako ay bigla na lamang tumigil iyon.
“Salamat po, Tita,” nakangiti kong tugon.
“Ang sabi nila Hyacinth kanina may practice raw kayo mamaya?”
Nakita kong nilapag niya sa lamesa roon ang mga meriyenda namin. Sila Hyacinth naman ay lumabas kasama ang dalawa para
