LEVI / LEX MONDIGO
“Ikaw!”
Halos mapaatras si Mayenn sa gulat nang makita niya ako sa loob ng aking opisina.
Malalaki ang mga mata niyang nakatingin sa akin, para bang hindi makapaniwala sa nakikita.
“Ikaw ang boss ko?” sunod niyang sabi, halatang hindi pa rin makapaniwala. “Pinaglololoko mo ba ako, Lex?”
Mataray ang tono ng boses niya habang nakapamewang pa.
Tahimik ko lang siyang tinitigan mula sa swivel chair ko.
Hindi ko siya sinagot. Ngumiti lang ako. Iyong ngiting lalong ikinairita niya.
“Don’t smile at me like that!” inis na sabi niya. “Simula pa lang niloloko mo na pala ako. Noong huli tayong magkita sa atok sabi mo aalis ka ng ilang linggo, ngayon nandito ka? At ikaw pa ang may ari nitong Hotel? Ano ba talaga ang totoo tungkol sa p[agkatao mo?” sunod-sunod na tanong ni May
