THIRD PERSON
Pagdating ni Mayenn sa bahay ay agad niyang inilapag ang mga dala niyang supot sa ibabaw ng mesa sa kusina.
Huminga siya nang malalim habang pinagmamasdan ang mga binili niya sa palengke.
May adobo, sinigang na baboy, pritong tilapia, at ilang gulay. Sigurado siyang sapat na iyon para sa isang maayos na hapunan.
“Hay naku, sana magustuhan ng may-ari ng bahay,” bulong niya sa sarili habang nilalabas sa mga lalagyan ang mga pinamili niya.
Hindi niya alam kung anong klaseng tao ang darating ngayong hapon. Ang sabi lang sa kanya nina kuya Ben at Mang Lando ay darating daw ang may-ari ng ancestral house para tingnan ang bahay.
Kaya mula kaninang nasa opisina pa siya ay hindi na siya mapakali.
Hindi naman siya sanay na may pinaghahandaan na bisita, lalo na kung may-ari pa ng
