- Emiliana -
"Anong mensahe nung kantang ginagawa ngayon ni Sir Creed? Sad song ba? Falling in love with someone?"
Mabilis akong nag-reply ng maraming angry emoji sa text message ni Primrose. Halos tadtarin ko na nga siya dahil kanina pa siya tanong nang tanong. Kung kasama ko lang 'to ay baka pinalo ko na siya sa kakulitan. Hindi ko alam ang isasagot ko dahil hindi naman malinaw sa akin ang buong mensahe, may naririnig lang ako na ilang words at lines pero masasabi kong maganda naman. Ilang araw na akong kinukulit ng babaeng 'to. Baliw talaga.
"Maldita ka talaga! Kaya ka siguro inaway dati ni Sir Creed. I hate you!"
Natawa ako sa mabilis niyang reply at hindi na 'yon pinansin. Umusad na ang traffic kaya nag-focus na ako sa pagmamaneho. Nasa harap ko ang kotse ni Creed at ingat na
