Nang matapos makapag-perform sila Jio ay sunod naman ang graduation song namin na A Moment Like this by Kelly Clarkson na in-arrange nila nang kaunti para maging hype ang kanta.
Kasabay ng pagpalo ng drums ni Ezekiel ay ang pagsisimula ng pagyayakapan at pag-iiyakan ng mga estudyante. Lumapit din ako kina Akira at niyakap silang dalawa at saka namin mas malakas na sinabayan ang kanta.
“Graduate na tayo!” sigaw naming tatlo. Parang dati lang ay halos mai-stress kami sa thesis. Nagagahol pa kami sa mga deadlines and requirements pero ngayong nakapagtapos na kami, buhay sa labas naman ang makakalaban namin. Naging mahirap man ang internship namin lalo na kay Akira, naging stepping stone naman namin ito para matuto sa labas ng university.
Parang kahapon lang ang naging away namin. Isang ta
