Palakad-lakad sa kwarto si Zach habang hawak ang cell phone niya. Nagda-dalawang isip kasi siya kung tatawagan niya nga ba o hindi ang mama niya. Napasulyap siya sa picture nila ng lolo niya na noo’y nakasabit sa dingding kaya bigla siyang kinain ng konsensiya niya. Medyo may edad na rin kasi ang lolo niya kaya sinusulit na niya ang mga bagay-bagay kasama ito. Ayaw na niya itong bigyan nang alalahanin kaya mabigat man sa loob niya, pagbibigyan niya ang nais nito.
Nagbuga muna siya ng hangin nang makailang ulit bago niya tinawagan ang mama niya.
“Hello, Ma?” bungad niya.
“Hello, Zach? Kumusta, anak? Mabuti naman tinawagan mo ako,” agad na sabi nito.
Hindi siya umiimik habang tila nag-iisip ng sasabibihin.
“Zach, nag
