Bumabagsak na ang ulo ko sa sobrang antok habang nakikinig sa professor ko sa Statistics. Inumaga na sa club ang grupo nina Valerio kanina kaya hindi ako nakapag-out sa tamang oras, tuloy ay wala akong tulog. Pagkagaling ko sa trabaho ay umuwi lang ako saglit sa bahay para maligo at magbihis tapos dumiretso na rin agad ako dito sa university.
Nag-te-take notes lang ako, wala nang tingin-tingin sa professor dahil baka tuluyan na akong makatulog sa slowmo niyang pagkilos palibhasa'y 60 years old na siyang ginang. Mabagal man ay bawing-bawi naman siya sa katalinuhan dahil may doctor's degree siya. Kailangan lang talaga ng tiyaga sa pakikinig para matuto ka sa kanya.
"Tiyaga sa pakikinig." hindi ko namalayang sinusulat ko na pala ang katagang 'yon sa kuwaderno ko.
Naalala ko si Massimo. Ka
