Hawak-kamay kaming bumaba ni Massimo sa school grounds para hanapin ang Monster Mommy niya. Marami nang students, staff, at professors ngayon dito dahil sinabihan kanina ang lahat sa broadcast system ng unibersidad na magtipon kami sa amphitheater.
Nakipagsiksikan kami ni Massimo sa mga tao, natangay na rin sa direksyon na pinupuntahan nila hanggang sa hindi namin namalayang nakarating na pala kami sa gym, sa track and field, at kalaunan sa canteen. Lawit na ang dila ko sa pagod, maling lugar na naman ang napuntahan namin. Nabubugnot akong napapadyak sa inis.
"'Yung mga lalaki kasi kanina sa IT department tulak nang tulak, eh! Ha-hunting-in ko 'yung mga 'yon bukas! Dito tuloy tayo napunta!" pagmamaktol ko, saglit na nakalimutang may kasama nga pala akong bata. "A-Ay, sorry, Massimo! 'Wag
