Limang oras bago ang flight ni Massimo batay sa flight details na nakuha ni Gaetano ay nasa airport na kami. Dahil nagbigay ako ng haka-haka na baka diversion lang ni Ms. Lee ang plane ticket ni Massimo, walang nakakaaalam sa'min kung anong oras talaga darating ang mag-ina kaya minabuti na ni Gaetano na pumunta kami ng maaga.
Naka-deploy na ang mga mafioso ng Familia Sangue sa lahat ng entrance, exit, at VIP doorway ng paliparan sa pangunguna ng Capo nila na pinamumunuan naman ni Nyx.
Samantala, kami nina Valerio at Gaetano ay nasa airport lobby at naghihintay ng ano mang senyales ng pagdating ng nina Massimo at Ms. Lee.
Nahihilo na ako sa kanina pang pabalik-balik na paglakad ni Valerio sa harapan ko. Pinanlisikan niya ako ng mga mata nang makita akong kumagat sa kinakain kong corn d
