“Sunny, I’ll just talk to my boss.”
Nakita kong naunawaan naman ni Sunny ang sinabi ko. Kaya naman iniwan ko na muna sila ni Sir August at humabol kay TJ. Sinundan ko siya dahil ayokong bigyan niya ng malisya ang nakita sa amin ni Sir August. Hindi pa nga ako nakakapagtapat ay mauunahan pa yata akong mahusgahan.
Ayon nga lang, ang bilis ng lakad ni TJ kaya naman halos patakbo akong sumunod sa kanya. At malay ko bang bigla siyang hihinto sa gitna ng lobby kaya tuloy nangudngod ang mukha ko sa kanyang likuran. Nabitawan ko pa ang hawak kong stuffed toy dahil dito.
“Why are you following me?” He coldly asked. He couldn’t even look at me in the eye.
Yumuko ako para kuhanin ‘yong stuffed toy na bigay niya bago pa marumihan. Kaya nga lang ay naunahan niya ako. Pinulot niya ito at pinagpag.
