I’ll call you later.
Akala ko noon, expression lang ito. Hindi ko alam na totoo pa lang pag sinabi ito ng isang tao, tatawag talaga siya.
Siguro’y patulog pa lang ako nang muling mag ring ang phone ko. Kinabahan pa ako nang makita ko ang pangalan ni TJ sa screen ng phone ko. Hindi ko kasi alam kung nainis ba siya sa akin dahil sa pagpipilit ko tungkol sa hindi pagtanggal kina Trisha.
Tumikhim ako bago sinagot ang tawag. “H-Hello?” Nautal pa yata ako.
“Sorry, did I wake you up?” His voice sounded hoarse.
“Ay hindi naman. Patulog pa lang ako--”
“Oh okay. You can sleep--”
“Ay hindi! Hindi pa naman ako inaantok. Hindi pa ako matutulog.”
“Akala ko ba patulog ka na?”
“Ikaw ba?” pagbabalik ko na lang ng tanong. Kinagat ko tuloy ‘yong kuko ko dahil sa hindi ko na malaman saan papunta
