Para akong nagkaroon ng mahabang panaginip dahil sa pagpunta ko sa Valderrama Corporation. Pakiramdam ko para akong si Alice ng Alice in Wonderland.
At ngayong nandito na ako sa Marahuyo, tila nakabalik na ako sa totoong mundo ko. Ang kainaman lang ay mas nagkaroon ng linaw para sa akin ang nararamdaman ko para kay TJ.
“Salamat sa paghatid ah,” sabi ko kay MJ paghinto ng sasakyan.
“No worries, Tala. Ako naman ang nagdala sa ‘yo sa main office namin. It’s only right that the most handsome Valderrama brought you back,” ma-ere nitong sagot sa akin na alam kung gusto lang akong pangitiin. Pagtingin ko sa kanya ay agad siyang kumindat kaya napairap na lang ako sa kawalan bago natawa.
“Salamat din sa pagdala sa akin kay TJ.” Makahulugang tingin ang pinukol ko sa kanya at nakita kong nag
