NAGPAPALIT-PALIT ang tingin ni Benedict sa dalawang Faith sa kaniyang harapan. Bahagya siyang umatras dahil hindi siya sigurado kung sino ba sa dalawa ang totoo.
Si Odessa ba ang isa sa Faith na nandito? Ginaya ba niya ang mukha ng asawa ko kaya bigla siyang nawala? Hindi makapaniwalang turan niya sa kaniyang sarili. Si Odessa lang kasi ang naiisip niyang pwedeng gumawa nito.
Akmang magsasalita ang bagong dating na Faith nang biglang sumingit si Mama Pearl. Pumagitna ito sa dalawang Faith. Tiningnan nito ang mukha ng mga ito nang maigi. Talagang pinakatitigan nito ang bawat detalye ng mukha ng mga ito.
Pumalatak ito. “Ang hirap malaman kung sino sa kanila ang anak ko! Parehas sila ng mga nunal. I am so confused right now!” Humawak ito sa ulo nito. “Wait! Alam ko na kung paano nati
