“TALAGA?! A second wedding!” Masayang turan ni Mama Pearl nang sabihin nina Benedict at Faith ang kanilang plano.
Kasalukyan silang nasa bahay ng mga Valencia habang nagsasalo-salu sa isang masarap na hapunan. Kasama din nila sina Debbie, Jayden at ang tatlong bakla na sina Genoveva, Ederlyn at Dragusha.
Tiningnan ni Benedict ang kaniyang asawa. “Opo. A second wedding. Dahil gusto naming magsimula ulit ni Faith. A fresh and new start…” Inabot pa niya ang kamay ni Faith at masuyo iyong pinisil. Nagpalitan sila ng matamis na ngiti.
“`Buti pa ang daughter ninyo, Mama Pearl. Dalawang beses ikakasal pero ikaw kahit once ay hindi man lang!” Malakas na turan ni Dragusha at nagtawanan ang tatlong bakla.
“Bunganga mong bakla ka, ha! Baka gusto mong sungalngalin ko `yan!” anito sabay irap.
“Ano
