“ATE, magkano itong isang tumpok ng kamatis saka iyang tali ng kangkong?” tanong ni Jenny sa isang tindera sa palengke.
Maaga siyang nagpunta sa palengke upang makakuha ng mga sariwang sangkap para sa lulutuin niyang sinigang na baboy mamaya. Iyon kasi ang ni-request na ulam ni Lance kagabi. Saka matagal na rin silang hindi nakakapag-ulam ng may sabaw kaya sumang-ayon siya sa gusto nitong ulam mamayang tanghalian. Nakabili na siya ng baboy at iba pang mga sangkap. Ang kulang na lang niya ay kamatis at kangkong.
“Bente isang tumpok ng kamatis. Iyang kangkong ay sampung piso isang tali.”
“Tig-isa nga po, ate. Pahinging dagdag, ha. Para dito na ako bibili palagi,” pambobola niya sa tindera. Hindi siya nabigo sa hiling niya dahil dinagdagan nito ng ilang pirasong kamatis ang binili ni
