“S-SINO ka?” Labis na kinabahan si Lance sa tanong ni Jenny sa kaniya. Bakas sa mukha nito ang pagkalito. Nanlamig siya dahil ang unang bagay na pumasok sa utak niya ay baka bumalik na ang memorya nito dahil sa aksidente.
“Jenny, ako ito. Si Lance…” Mas hinigpitan niya pa ang kapit sa kamay nito. Hiling niya na sana ay nagkakamali siya sa kaniyang iniisip—sana ay may amnesia pa rin si Faith. Hindi pa pwedeng bumalik ang alaala nito at lalong hindi ngayon dahil nasa tabi nito ang tunay nitong asawa na si Benedict. Nang sulyapan niya si Benedict ay nakanganga lang ito at nagtataka din yata sa ikinikilos ni Faith na hindi siya nito makilala.
“L-lance?” Ipinikit ni Faith ang mga mata at ipinilig ang ulo. Muling nagmulat at tiningnan siya nang maigi. “Lance?” tawag ulit nito sa pangalan
