Pumwesto ako sa kanyang harap. Patalikod akong lumakad habang hindi siya pinapakawalan ng aking mga mata.
Magkasalubong ang dalawa niyang kilay. Gusot ang mukha, mukhang galing sa isang digmaan; o mas madaling sabihin na parang isang batang inaway nang kung sino.
“Hindi kita boyfriend, hindi pa kita sinasagot.”
Napatingin siya sa akin. Umirap siya. Hindi nagsalita. Tuloy-tuloy lang ang lakad. Ako naman, patuloy lang din sa paglakad nang patalikod.
Naramdaman ko na lamang na hinahabol niya ang espasyong namamagitan sa amin. Pinulupot ang kanyang braso sa aking baywang at ikinulong ako sa isang mahigpit at mainit niyang yakap.
Ramdam na ramdm ko ang bigat ng kanyang hininga. Mayamaya may dumamping malambot na bagay sa aking pisngi; hinalikan niya akong muli. Napapikit ako, hindi ko
