Chapter 24
Napatingin si Robin kay Khia nang dahan-dahan itong lumapit sa kaniya. Ang mga tingin nito ay para bang hindi makapaniwala sa nakikita. Nang ngitian niya si Khia ay nakita niyang naglaglagan ang mga luha sa mukha nito at pagkatapos ay mabilis na tinungo ang kaniyang kinalalagyan.
Niyakap siya ni Khia ng mahigpit at naramdaman niya ang pangungulila nito sa kaniya nang mmarinig niya kung paano ito umiyak. Hindi na rin ni Robin napigilan ang kaniyang sarili nang mamuo ang mga luha sa magkabila niyang mga mata.
Isa si Khia sa kaniyang pamilya, isa ito sa nakasaksi sa mga pinagdaanan niyang hirap lalo na nang mawala si Conny sa kanila. Ngayon masaya siya na muling makita si Khia na ligtas at walang galos sa katawan. Alam niya na isa si Khia sa tumulong upang mahanap siya sa Lo
