Hindi makatingin nang deretso si Ally nang balikan niya si Gael. Ayaw man niyang aminin pero mukhang tama nga ito. Nagtanan na ang dalawa. At hindi mapigilang sumama ng loob niya. Best friend siya ni Gino. Dati-rati naman, siya ang unang nakakaalam kung may binabalak ito.
"Magha-hire na ba ako ng private investigator?" tanong ni Gael.
"Private investigator ka riyan," agad na pakli niya. "Issue 'to ng pamilya n'yo, bakit hahayaan mong makialam ang ibang tao? Alam mo, lalaki, wala pa namang forty-eight hours na nawawala 'yong dalawa kaya hindi ka pa pwedeng magdeklara na may a*******n na nangyari. Sigurado naman ako na marami kang alam na paraan. Pero nakikiusap ako sa'yo, siguraduhin mo lang na walang mangyayaring masama kay Gino kapag nahanap mo siya. Hindi krimen ang magmahal. At hindi
