Natigil ako sa pagsuklay at napatingin sa pinto nang may kumatok.
"Pasok." Sabi ko at nilapag sa mesa ang suklay.
Bumukas ito at dumungaw si Ate Mona.
"Blaine, may naghahanap sa'yo."
Kumunot ang noo ko. "Sino po?"
Usually, kapag may kailangan ang mga tauhan sa farm ay tumatawag muna sila o kung bisita man ay ipapaalam ng mga bodyguards dahil iyon ang utos ni Adler dito sa bahay. Nakapagtataka lang na wala akong ini-expect na pupunta ngayon. Baka nakalimutan ko lang.
"Hindi nya sinabi ang pangalan nya pero magandang babae."
Magandang babae?
Napaisip ako.
Baka si Fay? Naibilin ko kasi sa mga bodyguards na papasukin sya kapag gusto akong makausap lalo na kung kasama ang anak na si Aina para makalaro si Kyzo. Saka hindi pa nakikilala ni Ate Mona si Fay kaya siguro bumase na lang sya s
