Sapo ang ulo habang nakatingin sa sahig ng floor si Kody na nakaupo sa waiting area ng pribadong ospital na pinagdalhan sa kanyang ina. Nandoon na rin ang daddy nito na hindi mapakali at paroo’t parito ang ginagawang paglalakad sa hallway ng ospital. Samantalang si Sam ay katabi ni Kody at panay lang himas sa likuran ng lalaki na feeling niya ay kasalukuyang pinagsakluban ng langit at lupa. Kanina pa nito sinisisi ang sarili sa nangyari sa ina.
Pagkatapos nang ilang oras na paghihintay sa labas ng emergency room ay lumabas na ang doktor na tumingin sa nanay ni Kody at sila agad ang hinarap.
“She suffered a mild stroke. Mabuti at naidala ninyo agad sa ospital. Right now under observation pa rin siya, and naka-lined up pa ang mga test na gagawin sa kanya. Kailangan natin masigurado na wala
