Ilang minuto na si Sam na paroo’t parito sa paglalakad sa loob ng suite ni Kody. Nag-iisip. Habang ang lalake ay kanina pa rin may kausap sa telepono, tila nakikipagtalo pa.
Nakapagpalit na siya ng damit. Sinuot niya ang jeans at tshirt na suot din kahapon. Panay ang tingin niya kay Kody kung anong pwede niyang gawin sa sitwasyon niya ngayon na may kinalaman ang lalake.
“I can’t do anything. I’m sorry. May mga nakaabang na na media sa bawat entrance at exit ng hotel. I guess you can stay here for the rest of the day, unless maaga silang umalis,” sabi ng lalake kay Sam pagkababa na pagkababa sa telepono. Tumawag ang manager ng hotel dito at ipinaalam nga na marami nang press sa labas na nakaabang sa kanila. Gusto nilang malaman kung sino ang babaeng kasama nito sa party kagabi.
“Ano h
