Page's Pov:
Dahan-dahang nagmulat ako ng mga mata.
Kasabay ng pagdungaw ko sa puting-puting silid ay ang pagpasok ng amoy ng ethynol sa ilong ko.
Muli akong napapikit bago muling nagmulat. Nasa ospital ako, hindi ko na kailangang kumpirmahin iyon. Sa amoy at itsura pa lang ng lugar, sigurado na ako doon.
"Good you're awake."
Marahang nilingon ko ang nagsalita. Muli akong napapikit sa nakitang nakabantay sa akin ngayon. Alam ko ang dahilan kung bakit ako nandito sa ospital. Ramdam ko pa nga ang kirot na nasa may ulo ko. Sariwa pa sa akin ang lahat, pati ang aksidenteng nangyari sa Saint Augustine na parang kanina lang iyon nangyari. Ganoon kasariwa.
"Anong ginagawa mo dito?" I asked as I opened my eyes.
Nakita ko sa gilid ng mga mata ko ang bantay ko na tumayo mula sa upuang nasa
