Yshmael's Pov:
"Sigurado ka bang hindi mo na kakailanganing ipa-xray ang braso mo?"
Muli akong umiling. Ilang ulit na iyong tanong ng nurse na umasikaso sa akin. "I'm fine. Pwede na ba akong umalis?"
Nakita kong napahinga na lang ng malalim ang nurse. "Huwag mo lang munang gagamitin ang braso mo para hindi lumala." Sabi pa n'ya at bahagyang tiningnan pa ang naka-cast kong braso.
Tumango na lang ako at lumabas na ng silid na iyon. Nandito na kami sa Hespheria's Doctors Hospital, ang ospital na pinagdalhan namin kay Primo.
He's bleeding, at hindi ko na kailangang maging eksperto para malaman na hindi naging maganda ang pagkakahulog n'ya. Mataas ang hagdanang kinahulugan nila ni Lanie, at mas pinili n'yang proteksyunan si Lanie kaya naiwang vulnerable sa impact ang buong katawan n'ya, es
