Hanggang ng mga sandaling iyon ay naiinis pa rin si Althea sa kung sinomang Honey na nag-message kay Chino kanina habang nagpapahinga sila sa sala. Kasalukuyan na silang nasa bahay ni Georgina at nag-aayos ng kanilang mga gamit ni Paulo, para sa paglipat sa bago nilang bahay, nang muling maisip ang bagay na iyon.
Ilang araw na rin siyang hindi nilalandi ni Chino, matapos ng nangyari sa kanila sa loob ng banyo ng condo ng mga ito. Nagtataka nga siya dahil parang ibang Chino na ang kasama niya ngayon. Naging parang seryoso ito at hindi na siya nito nilalandi. Hindi naman sa gusto niyang nilalandi siya ni Chino, pero parang ganoon na nga.
“Uyyy, sis-mars, baka naman mapunit iyang mga damit niyo sa sobrang panggigigil mo sa mga iyan,” sita sa kaniya ni Georgina. “Bakit ka ba kasi beast mod
