Akala ni Chino ay okay na ulit sila ni Althea dahil sa pangalawang pagkakataon, muli niyang naangkin ang babae. Wala namang pilitang nangyari, at ramdam niyang gusto rin ni Althea ang namagitan sa kanilang dalawa. Ngunit matapos ang kanilang mainit na pagniniig sa loob ng bathtub, tila bigla itong nagising sa panaginip at bigla na lang lumayo sa kaniya.
Napakasakit niyon sa kaniyang damdamin lalo na’t para siyang nakipagtalik sa isang bayarang babae. Pakiramdam niya ginamit lang siya ni Althea upang makaraos at mailabas ang init sa katawan nito. Kaya naman nang magbalik ito sa loob ng banyo ay seryoso na rin siya’t nawala ang paglalambing niya rito.
Mabuti na lang at naroon si Georgina kahit papaano nagkaroon sila ng space ni Althea. Hindi na talaga niya alam kung anong klaseng suyo pa a
