Makalipas pa ang dalawang araw at tuluyan na ngang na-discharge ang anak nila Chino at Althea. Tuwang-tuwa ang anak ni Chino habang nakaupo ito sa bandang likuran ng sasakyan katabi ng ina nito.
Ihahatid niya ang mga ito ngayon sa tinutuluyan ng mga ito, nang sa ganoon ay maging komportable ito sa biyahe. Isa pa ngayon niya uumpisan ang idea na kaniyang naisip noong huling beses silang nagkausap ni Althea. Iyon ay ang maging malapit sa kanilang anak, nang sa ganoon aymakuha rin niya ang loob ng ina nito.
“Puwede po tayong maglaro mamaya?” maya-maya’y tanong sa kaniya ng kaniyang anak.
Sinilip naman niya ito sa rearview mirror saka ito nginitian. “Anong laro ba ang naiisip mo?” tanong pa niya sa kaniyang anak.
“Hmmm—“ tila nag-iisip pa nitong saad sa kaniya. “Tagu-taguan po!” nangigisl
