‘Nakakainis ka Chino! Bakit kailangan mong sabihin iyan sa anak natin?’ sambit ni Althea sa kaniyang sarili.
Ayaw niyang paasahin si Paulo na mananatili nga ang ama nito sa kanilang tabi, at hindi na sila iiwan pa nitong muli. Ayaw niyang umasa na naman siya at pagkatapos ay masasaktan lang muli kapag na-realize nitong hindi pa pala ito handang harapin ang responsibilidad nito bilang ama. Ayaw niyang masaktan ang kaniyang anak— ayaw niyang masaktang muli.
“Ahm, anak, magpahinga ka na ulit para gumaling ka agad,” nakangiting turan niya sa kaniyang anak matapos siyang magpahid ng mga luha sa kaniyang mga mata.
“Daddy, paggising ko nandito ka pa rin po ‘di ba?” Baling naman nito kay Chino.
Ngumiti’t tumango naman ang magaling na lalake sa kaniyang anak na kaniyang ikinairita.
“Oo naman
