Hanggang nang mga oras na iyon ay ninanamnam pa rin ni Chino sa kaniyang isip ang malambot na labi ni Althea. Hindi pa rin mawala sa kaniyang balintataw ang halik na pinagsaluhan nila kanina ng kasintahan. He can still remember the taste of her soft, sweet lips. Napapahawak pa siya sa kaniyang mga labi habang nakangiting nakatanaw sa kawalan. Nakaupo siya ngayon sa sofa sa sala ng kanilang condo, habang nakabukas ang TV na naging props na lang niya dahil wala naman doon ang attention niya. Tagus-tagusan kasi ang tingin niya roon at si Althea naman ang nakikita niya.
“Chino, nakikinig ka ba?” Bigla siyang natauhan nang tapikin siya ni Lester sa kaniyang balikat.
“Ha? Are you saying something?” wala sa sariling tanong niya sa kaibigan. Nilingon pa niya ito at kunot-noong pinagmasdan ang ka
