Sa wakas, natapos na rin ang ilang taong pagdurusa niya at pangungulila sa kaniyang mag-ina. Ngayong araw, magsisimula na ang panibagong yugto sa kanilang buhay. Maya-maya lang ay biglang huminto si Althea sa kaniyang paglalakad at tila namumutla itong napahawak sa kaniyang braso.
“Love, okay ka lang ba?” nag-aalala niyang tanong dito, saka mabilis na inalalayan ito.
“Nahihilo ako,” anito kasabay ng pagkawala ng balanse nito. Mabuti na lang at maagap siya’t nasalo niya ang asawa.
“Althea!” tawag niya rito ngunit tuluyan ng nawalan ng ulirat ang kaniyang asawa.
“Ayyy! Dalhin natin siya sa loob!” wika ni Georgina, kaya naman dali-dali niya itong binuhat at dinala sa kanilang silid. Agad namang kumilos si Georgina upang lagyan ng unan ang paanan nito, at pinaamoy ng kung anong menthol an
