Excited na si Chino na muling makasama ang kaniyang mag-ina, kaya naman pagkatapos nang huling flight niya ay agad siyang nagtungo sa bahay ni Georgina. Hindi na siya nag-abala pang ipaalam sa mga ito na pupunta siya roon dahil maaga pa naman. Balak niyang dalhin sa labas ang mga ito para kumain. Maayos na rin naman ang kalagayan ni Paulo at puwede naman na itong lumabas ng bahay.
Nang makarating na siya sa bahay na tinutuluyan ng mga ito ay maayos niyang ipinarada ang kaniyang sasakyan sa tapat ng bahay ni Georgina, bago siya bumaba ng kaniyang sasakyan. Hindi maalis ang pagkakangiti sa kaniyang mga labi nang makababa na siya ng kaniyang sasakyan at naglakad patungo sa bahay ng mga ito. Inabutan niya si Georgina na nakaupo sa sofa at nakataas ang mga paa nito sa mesita, habang kumakain
