Mabilis ang bawat pagkilos ni Chino upang makabalik kaagad sa tinitirahan ng kaniyang mag-ina. Nang malaman niyang papasok pala si Georgina ay nag-alinlangan siyang iwan ang kaniyang mag-ina. Ang isiping walang makakasama ito sa pagbabantay ng kanilang anak sa bahay ng mga ito ay hindi niya mapapayagan.
Maayos naman ang lugar na tinitirahan ng mga ito, ngunit naisip lang niyang kalalabas lang ng kanilang anak sa ospital. Paano kung may biglang maramdamang kakaiba ang kanilang anak? Kaya maigi na ring naroon din siya upang maalalayan ito kung sakali.
Bago siya magtungo sa bahay ng mga ito ay nag-take out muna siya ng kanilang pagkain para mamaya. Dahil hindi pa puwede si Paulo ng mga fast foods, sa isang healthy restaurant siya nagpunta upang bumili ng pagkain. Nang makapagbayad ay saka
