KINABUKASAN ay maagang ipinatawag ni Typhus ang binatang si Igop para makausap ng masinsinan. Kaagad din namang dumating ang binata sa garden kung saan siya hinihintay ng amo.
"Boss! Magandang umaga," masiglang pagbati nito na ikinangiti at tango ng amo.
"Magandang umaga din sa'yo. Maupo ka, Igop," nakangiting sagot ni Typhus dito na sinenyasan ang binatang maupo sa tabi niya.
"Kape?"
"Salamat po, boss. Tapos na po," magalang sagot nito sa alok ng amo na napatango.
"Uhm, tungkol kay Bella, hijo. Ngayon pa lang humihingi na ako ng mahaba-habang pasensiya mo sa dalaga ko, ha? Alam kong hindi biro ang pagtitimping kailangan mo para mapatino ang isang 'yon," saad ni Typhus na ikinangiti at tango ng binata.
"Okay lang po, boss. Naaasar ko din naman siya kaya minsan ay nagkakabangayan kam
