NABABAGOT na nakahalukipkip si Bella sa gilid habang pinapanood si Igop na nagpapaligo ng mga kabayo. Minsan ay napapakindat pa sa kanya ang binata sa tuwing magtatama ang paningin nila na ikinaiikot lang ng mga mata ni Bella. Tatawa-tawa lang naman si Igop na naiiling dito. Nakakasanayan na rin ang pagiging maldita at maarte ng dalaga.
Matapos nitong mapaliguan ang mga kabayo ay ang paglilinis naman ng kwadra ang gagawin. Kahit para ng masusuka si Bella sa mapanghing amoy ng kwadra ay tinitiis nito para lang mapanood ang binata.
Hindi niya rin maintindihan ang sarili. Kahit iiwas niya ang mga mata ay kusa silang bumabalik na sa binata tumitig. Mabuti na lang at abala na ito sa ginagawang paglilinis ng kwadra kaya hindi nito napapansin ang dalagang. . . siya ang pinapanood at hindi ang i
