Kanina pa patingin-tingin si Jasmin kay Miguel habang nagmamaneho ito. Para kasing hindi ito mapakali, ramdam niyang may bumabagabag sa lalaki pero hindi niya rin matukoy kung ano.
Patungo sila ngayon sa doctor for her monthly check up. Mabilis lang lumipas ang isang buwan at apat na buwan na ang pinagbubuntis niya. At ang kasal nila ni Miguel sa simbahan ay napag usapan na nila na kapag nakapanganak na siya. Syempre ayaw niyang magsuot ng gown na malaki ang tiyan!
Pagdating nila sa hospital ay dumeretso agad sila sa clinic ng OB niya. Si Miguel ay very attentive parin sa kanya pero kakaiba talaga ito dahil palaging nakatingin sa phone! Naiinis na siya at gusto niya itong tanungin pero pinigilan niya ang sarili. Baka dala na naman ito ng pagbubuntis niya kaya mabilis lang siyang mainis
