“WHAT happened to you, Kuya Lance?” tanong ni Kirsten.
Sandaling tumingin si Lance sa kaibigan at itinuturing na nakababatang kapatid bago ibinalik ang tingin sa screen ng laptop. “What do you mean?” tanong niya.
Kasalukuyan silang nasa Jason Paradise. Isang semi private island resort sa Palawan na pag-aari ng pamilya nina BJ. Naroon sila para dumalo sa kasal nina Ethan at Tamara sa isang araw at magbakasyon na rin.
Abala siya sa pagsagot sa mga comments at inquiries sa social media accounts ng Y.O Landscape and Interiors, ang kompanyang itinatatag nila ng kanyang pinsang si Ate Francine mahigit isang taon na ang nakararaan.
The business was successful. Ginamit nilang magpinsan ang social media sa promotion ng business nila. Mga natapos nilang proyekto at mga tips sa interior decoratio
