HBS 26
Serbisyo
I CAN'T help but stare at Fonseca's right fist. Kanina ko pa napapansing dumudugo iyon pero hindi man lang nililinisan upang gamutin.
Kanina pang umaga nang suntukin n'ya ang pader sa taas ng ulonan ko at malapit ng magtanghalian. Hindi ko inaasahang ganun kalakas ang pagkakasuntok n'ya upang dumugo iyon ng todo.
Napansin na din iyon ni Manong Domeng. Tinanong n'ya si Fonseca kung anong nangyari pero hindi lang ito kinibuan ng huli.
"Sir, mukhang hindi ho okay ang kamao ninyo. Tara ho sa kubo at gamutin natin. Manananghalian na din ho tayo, hindi naman pwedeng hanggang ngayon ay may iilang dugo pa r'yan," ani Manang Amy.
Nag-aalangan pa itong kausapin ang huli dahil mula pa kaninang umaga, matapos ng engkwentro naming dalawa, nakakunot na ang noo
