LIGHTS OUT
ROSE
Masaya ang naging pasko namin ngayong taon. Syempre lagi namang masaya iyon kahit noong bata pa ako. Kahit naman wala kaming engrandeng handa sa hapag namin tuwing noche buena, basta kasama ko sina ama, ina at totoy ay sapat na sa akin. Pero hindi ko maitatanggi na dahil kay Shin ay mas naging masigla ang selebrasyon namin.
He was just so great na pati mga magulang ko ay nakuha na niya ang loob. Hindi ko man tanungin sina ama at ina, alam kong boto na sila sa kanya. Sabagay, si ama naman ay suportado ako basta para sa ikaliligaya ko. Si ina, siya talaga ang medyo ikinabigla ko. Noong huli kasi naming pagkikita ay binalaan pa niya ako sa mga posibilidad na consequence kung sasagutin ko si Shin. Ngayon ay parang tanggap na niya at kahit anong mangyari ay susuportahan
