“GOOD morning!” bati ni Raiden nang madatnan ito ni Bettina sa dining table.
“Good morning, too!” ganting tugon ni Bettina saka siya napatingin sa suot na relo. Alas-otso na pala ng umaga. Pero bakit hindi pa umaalis si Raiden?
“Kain na tayo. Nagluto ako ng breakfast natin,” ani Raiden saka siya nito ipinaghila ng upuan niya.
“Wala ka bang pupuntahan ngayon?” curious na tanong ni Bettina nang makaupo na siya.
“Bakit gusto mo ba akong umalis?” nakangiting tanong ni Raiden.
Napakunot ang noo ni Bettina. “Tinatanong kita pero bakit tanong din ang isinagot mo sa akin.”
Bahagyang natawa si Raiden. “Hindi ako aalis ngayon dahil tinapos ko na lahat ng dapat kong gawin kahapon. Ngayon wala na akong gagawin kaya ikaw naman ang aasikasuhin ko.”
Napataas ang isang kilay ni Bettina sa sinabi
