“PUWEDE ko na po bang isama pauwi sa Subic si Sasha?” tanong ni Raiden kay Mr. Bonifacio pagkaraan nang mahabang sandali ng katahimikan.
“Bakit mo naman gagawin iyon, iho?” kunot noong tanong ng matandang lalaki.
Napabuga ng hangin si Raiden. Kailangan na niyang sabihin kung ano ang totoong relasyon nila ng anak nito. “Sir, alam kong mabibigla kayo pero ang totoo ay mag-asawa po kami ng anak ninyo. Ikinasal po kami noong inuwi ko siya sa Subic. Pero hindi po alam ng mga kinilala niyang magulang at ng mama ko ang tungkol doon. Inilihim lang po namin dahil iyon ang gusto niyang mangyari.”
Napailing si Mr. Bonifacio. “Hindi maaari ang gusto mong mangyari. Bukod sa nagdududa ako sa sinasabi mo, hindi rin maganda ang naisip mong plano.”
Inaasahan na ni Raiden na iyon ang isasagot ng ama ni
