NAPAGOD si Julius sa kakaikot sa buong parking area ng club na pinuntahan nila ni James. Hinahanap niya si Maurice na hinding-hindi siya nagkakamali na nakita niya ito. Halos isa-isahin niya ang mga sasakyan para matagpuan lang ang babaeng nais makausap subalit hindi na niya mahagilap kung saan ito pumunta.
"Bro? Sino iyon?" hinihingal na tanong ni James. Humabol ito sa kaniyang sa parking area ng club nang makitang tumakbo siya palabas.
"Nakita ko siya, bro! Nakita ko si Maurice!" hindi mapalagay niyang sagot.
"O, asan siya? Baka nagha-hallucinate o namalik-mata ka lang," kalmadong saad ni James.
"Hindi ako maaring magkamali, bro! Si Maurice ang nakita ko!" angil niya sa kaibigan na ayaw maniwala.
"Hayaan mo na, bro! Bukas mo na isipin ang Maurice na iyon! Magsaya muna tayo dahil min
