PUMASOK si Julius sa loob ng kwarto ni Maurice nang maibalik sa kusina ang basong pinag-inuman nito. Laking gulat niya nang makitang tulog na si Maurice sa sariling kama habang nakadapa. Nalasing yata ito ng sobra kaya't madaling nakatulog pagkahiga nito sa kama.
Nilapitan ni Julius si Maurice at umupo siya sa gilid ng kama. Hindi niya alam kung bakit napapalapit na ang loob niya rito, siguro dahil gusto niya lang itong ilayo sa ninong niya. Maliban pa roon ay nanghihinayang siya kay Maurice dahil napakabata pa nito upang pumasok sa sitwasyong ito. Iyon siguro ang dahilan kung bakit nagawa niyang alukin si Maurice na lumayo sa islang ito at tutulungan niyang makahanap ng maayos na trabaho.
Napatitig si Julius sa magandang mukha nito at hindi niya napigilan ang sariling haplusin ang noo
